Тармақ 1. Уақытша сақтау орындарында шетелдік тауарларды кеден органы оларды шығарғанға дейін не егер шетелдік тауарлар Одақтың кедендік шекарасы арқылы тауарлар өткізілетін орындарда сақталған болса, Одақтың кедендік аумағынан тауарлардың кетуіне кеден органының рұқсатын алғанға дейін не қылмыстық іс бойынша немесе әкімшілік құқық бұзушылық туралы іс (әкімшілік процесті жүргізу) бойынша іс жүргізу барысында қылмыс туралы хабарламаны тексеру кезінде алып қою немесе тыйым салу қолданылатын күнге дейін сақтау тауарларды уақытша сақтау деп түсініледі.
Тармақ 2. Осы баптың 4-тармағында, осы Кодекстің 88-бабының 7 және 8-тармақтарында, 114-баптың 7-тармағында, 129-баптың 6-тармағында, 152-бапта , 240-баптың 3-тармағында, 259-бапта және 286-баптың 12-тармағында көзделген, сондай-ақ осы Кодекстің 88-бабының 7-тармағының алтыншы абзацына және 8-тармағының екінші абзацына сәйкес мүше мемлекеттердің кедендік реттеу туралы заңнамасында белгіленген жағдайлар мен мерзімдерде тауарлар уақытша сақтауға орналастыруға жатады.
Тармақ 3. Тауарларды уақытша сақтау құбыржол көлігімен немесе электр беру желілері бойынша өткізілетін тауарларға қатысты, сондай-ақ осы Кодексте көзделген жағдайларда қолданылмайды.
Тармақ 4. Қылмыстық іс бойынша немесе әкімшілік құқық бұзушылық туралы іс (әкімшілік процесті жүргізу) бойынша іс жүргізу барысында қылмыс туралы хабарламаны тексеру кезінде алып қойылған немесе тыйым салынған және кедендік декларациялауға жататын, оларға қатысты қайтару туралы шешім қабылданған тауарлар, оның ішінде тауарларды тәркілеу туралы шешім жойылған не тәркілеу түріндегі жаза (өндіріп алу) өзге жаза түрімен (өндіріп алу) ауыстырылған жағдайда, мыналар:
Тармақ 5. Осы баптың 4-тармағында көрсетілген уақытша сақтауға орналастырылмаған тауарларды кеден органы осы Кодекстің 51-тарауына сәйкес ұстап қалады.
Тармақ 6. Осы баптың 4-тармағының ережелері, егер осы тармақта көрсетілген тауарларға қатысты тауарларды уақытша сақтауға орналастыруға арналған осы тармақта көзделген мерзім аяқталғанға дейін кедендік декларация берілген болса, қолданылмайды.
Тармақ 7. Уақытша сақтауда тұрған тауарларға қатысты өкілеттіктері бар тұлғалар осындай тауарларды пайдалануға, оның ішінде олар шығарылғанға дейін уақытша сақтау орнының аумағынан әкетуге құқығы жоқ, ал егер шетелдік тауарлар - олар шығарылғанға дейін не Одақтың кедендік аумағынан тауарлардың кетуіне кеден органының рұқсатын алғанға дейін Одақтың кедендік шекарасы арқылы тауарларды өткізу орнында уақытша сақтауда тұрған болса, оларды пайдалануға құқығы жоқ.
Тармақ 8. Тауарлар шығарылғанға дейін мүше мемлекеттердің заңнамасында белгіленген жағдайларда тауарларды уақытша сақтау орнын өзгертуге жол беріледі.