Тармақ 1. Осы Келісімге сәйкес қайтарылатын автокөлік құралдарына Тараптың орталық құзыретті органы берген және автокөлік құралының осы Келісімнің шеңберінде қайтарылып отырған растайтын құжат ұсынылған кезде автокөлік құралын Тараптардың шекарасы арқылы алып өтуге байланысты кедендік баждар, салықтар, акциздер, алымдар және өзге де төлемдер салынбайды.
Тармақ 2. Автокөлік құралын ұстауға және сұрау салушы Тараптың құзыретті органына берген кезге дейін оны сақтауға байланысты шығыстарды сұрау салынатын Тарап көтереді.
Тармақ 3. Автокөлік құралын сұрау салушы Тараптың аумағына қайтару жөніндегі шығыстарды сұрау салушы Тараптың құзыретті органы көтереді.
Тармақ 4. Автокөлік құралын қайтаруға байланысты келтірілген шығыстар Тараптардың ұлттық заңнамасына сәйкес өтелуге жатады.