Тармақ 1. Осы баптың 2-тармағында жазылған рәсімге сәйкес Үкімет АзТМЭӘК-тің билік етуіне 2016 жылдан бастап әр жылдың 20 сәуірінен кешіктірмей 100 000 (бір жүз мың) АҚШ доллары мөлшеріндегі жыл сайынғы жарнаны береді. Жарна бағдарламалық іс-шараларға арналған шығыстарды, сондай-ақ бөлімшенің институционалдық және пайдалану шығындарын өтеу үшін пайдаланылады.
Тармақ 2. Үкімет осы бапта көзделген қаражатты төменде көрсетілген деректемелерге сәйкес АзТМЭӘК-нің банк шотына орналастырады:
Тармақ 1166. Avenue of the Americas, 20tһ Floor
Тармақ 3. Үкіметтің жарналарына жинақталған кез келген пайыздар осы Келісімнің 10-бабының 1-тармағына сәйкес жарна есебіне жазылады және осы Келісімге сәйкес пайдаланылады.
Тармақ 4. Егер осы Келісімнің қолданылу мерзімі өткеннен немесе Штаб-пәтер туралы келісімнің IX бабына сәйкес ол тоқтатылғаннан және көзделген міндеттемелер орындалғаннан кейін жарнаның бір бөлігі және/немесе жарнаға есептелген пайыздар қалса, онда осындай жағдайда Тараптар, егер қолдану мүмкін болса, осындай кез келген жұмсалмаған қалдықты бөлімшенің кейінгі жылдардағы институционалдық және пайдалану шығындарын өтеу үшін пайдалануға уағдаласады.