Бап 7 О ратификации Договора между Республикой Казахстан и Социалистической Республикой Вьетнам о выдаче

Тармақ 1. Ұстап беру туралы сұрау салу жазбаша ресімделуге және Тараптардың Орталық органдары арқылы жіберілуге тиіс. Ұстап беру туралы сұрау салуға ілеспе барлық құжаттар осы Шарттың 9-бабына сәйкес куәландырылуға тиіс.

Тармақ 2. Ұстап беру туралы сұрау салуға мыналар:

• 1) a) істің мән-жайлары баяндалған ақпарат;
• 2) b) соның негізінде іс-әрекет қылмыс деп танылатын заңның мәтіні, қылмыс үшін жаза және соның ішінде қылмыстық қудалауды немесе тағайындалған үкімді орындау қажет болатын мерзімді белгілейтін заңның мәтіні;
• 3) c) іздестіріліп жатқан адамның азаматтығы және тұратын/тіркелген орны (бар болған кезде) туралы куәландыратын құжаттар; және
• 4) d) іздестіріліп жатқан адамның жеке басын куәландыратын құжаттың көшірмесі, сондай-ақ фотосуреттері мен саусақ таңбасы (бар болған кезде) қоса берілуге тиіс.

Тармақ 3. Егер ұстап беру туралы сұрау салу қылмыстық қудалау мақсатында сұратылып отырған адамға қатысты болған кезде, сұрау салуға осы баптың 2-тармағында көрсетілген құжаттар және Сұрау салушы Тараптың құзыретті органы берген қамаққа алу туралы шешімнің көшірмесі қоса беріледі.

Тармақ 4. Ұстап беру туралы сұрау салу сот үкімін орындау мақсатында сұратылып отырған адамға қатысты болған кезде, сұрау салуға осы баптың 2-тармағында көрсетілген құжаттар және мыналар:

• 1) a) Сұрау салушы Тараптың соты шығарған түпкілікті үкімнің көшірмесі;
• 2) b) жазаның өтелген бөлігі туралы ақпарат қоса беріледі.

Тармақ 5. Ұстап беру туралы сұрау салу және қоса берілетін құжаттар Сұрау салынатын Тараптың ресми тіліндегі немесе ағылшын тіліндегі куәландырылған аудармасымен қоса берілуге тиіс.

Тармақ 6. Ұстап беру туралы сұрау салу техникалық коммуникациялар құралдары пайдаланыла отырып берілуі мүмкін. Сұрау салудың түпнұсқасы бір мезгілде поштамен жіберілуге тиіс.