Бап 4 О ратификации Соглашения о порядке добровольного согласования государствами – членами Евразийского экономического союза с Евразийской экономической комиссией специфических субсидий в отношении промышленных товаров и проведения Евразийской экономической комиссией разбирательств, связанных с предоставлением государствами – членами Евразийского экономического союза специфических субсидий. Өзіндік ерекшелікті субсидияларды келісу рәсімі

Тармақ 1. Мүше мемлекет осы Келісімнің 5-бабында көзделген тәртіппен тиісті өтінішті жолдау арқылы өзіндік ерекшелікті субсидияны келісу мақсатында Комиссияға жүгінуге құқылы.

Тармақ 2. Өзіндік ерекшелікті субсидияларды келісу ерікті негізде жүзеге асырылады.

Тармақ 3. Мүше мемлекеттер Хаттаманың 6-тармағына сәйкес өтемақы шараларын Комиссиямен беру мерзімдері, көлемдері және шарттары келісілген субсидияларға қолданбайды.

Тармақ 4. Өзіндік ерекшелікті субсидияларды келісу рәсімі мыналарды қамтиды:

• 1) осы Келісімнің 7-бабына сәйкес жауапты департаменттің өзіндік ерекшелікті субсидияның осы Келісімнің 10 және 11-баптарында көзделген өлшемшарттарға сәйкестігін немесе сәйкессіздігін анықтау мақсатында өзіндік ерекшелікті субсидияға талдау (бұдан әрі - талдау) жүргізу;
• 2) осы Келісімнің 8-бабына сәйкес консультациялар өткізу;
• 3) өзіндік ерекшелікті субсидияларды келісу нәтижелері бойынша өзіндік ерекшелікті субсидияның осы Келісімнің 10 және 11-баптарында көзделген өлшемшарттарға сәйкестігі немесе сәйкессіздігі туралы қорытынды (бұдан әрі - келісу нәтижелері бойынша қорытынды) дайындау.

Тармақ 5. Өзіндік ерекшелікті субсидияны келісу рәсімі шеңберінде жауапты департамент мүше мемлекеттердің бірінің өзіндік ерекшелікті субсидия беруі салдарынан ұлттық экономика саласына материалдық залалдың, ұлттық экономика саласына материалдық залал келтіру қатерінің немесе мүше мемлекеттердің мүдделеріне елеулі нұқсан келтірудің болуына талдау жүргізбейді.

Тармақ 6. Осы Келісімнің 9-бабының 4-тармағында көзделген жағдайды қоспағанда, Комиссия өзіндік ерекшелікті субсидияны келісу қорытындысы бойынша осы Келісімнің 9-бабына сәйкес өзіндік ерекшелікті субсидияны беруге болатыны немесе болмайтыны туралы шешім қабылдайды.