Тармақ 1. Өзіндік ерекшелікті субсидияны келісу рәсімін бастау туралы шешім қабылданғаннан кейін жауапты департамент талдау жүргізеді.
Тармақ 2. Уәкілетті органдар Комиссияның талдау жүргізуі және өзіндік ерекшелікті субсидияны беруге болатыны немесе болмайтыны туралы шешім қабылдауы үшін қажетті қосымша ақпаратты келісу рәсімін жүргізудің бүкіл кезеңі ішінде, оның ішінде жауапты департаменттің сұрау салуы бойынша Комиссияға ұсына алады.
Тармақ 3. Жауапты департаменттің талдау жүргізу және өзіндік ерекшелікті субсидияны келісу нәтижелері бойынша қорытынды дайындау мерзімі жауапты департамент уәкілетті органдардың атына өзіндік ерекшелікті субсидияны келісу рәсімін бастау туралы хабарламаны жіберген күннен бастап 30 жұмыс күнін құрайды.
Тармақ 4. Жауапты департамент талдау жүргізу қорытындысы бойынша өзіндік ерекшелікті субсидияны келісу нәтижелері жөнінде (өзіндік ерекшелікті субсидия беру көзделетін нормативтік құқықтық актіге (нормативтік құқықтық актінің жобасына) қатысты тиісті дәлелдемелер мен ұсынымдарды (қажет болған жағдайда) баяндай отырып) қорытынды дайындайды.