Бап 16 О защите детей от информации, причиняющей вред их здоровью и развитию. Балаларға арналған ақпаратқа және ақпараттық өнімге қойылатын жалпы талаптар

Тармақ 1. Балалардың денсаулығы мен дамуына зардабын тигізетін ақпаратқа:

• 1) Қазақстан Республикасының Конституциясымен және заңдарымен тыйым салынған;
• 2) осы Заңмен балаларға тыйым салынған;
• 3) Қазақстан Республикасының заңдарымен белгілі бір жас топтарындағы балаларға шектеу қойылған ақпарат жатқызылады.

Тармақ 2. Балаларға тыйым салынған ақпаратқа:

• 1) балаларды өміріне және (немесе) денсаулығына қатер төндіретін әрекеттер жасауға, оның ішінде өзін-өзі өлтіруге итермелейтін;
• 2) балаларды қоғамға жат және құқыққа қайшы әрекеттерге арандататын;
• 3) арнайы сексуалдық-эротикалық сипаттағы;
• 4) сексуалдық зорлық-зомбылықтың сипатталуын және (немесе) бейнеленуін қамтитын;
• 5) нормативтік емес лексиканы қамтитын;
• 6) балалар арасында таратуға Қазақстан Республикасының өзге де заңдарымен тыйым салынған;
• 7) дәстүрлі емес сексуалдық бағдарды, педофилияны насихаттайтын ақпарат жатқызылады.

Тармақ 3. Балаларға тыйым салынған ақпаратты қамтитын ақпараттық өнімді кәмелетке толмағандарға таратуға жол берілмейді.

Тармақ 4. Белгілі бір жас топтарындағы балалар арасында таратуға шектеу қойылған ақпаратты қамтитын ақпараттық өнімді таратуға осы Заңның 10 – 14-баптарының талаптарына сәйкес жол беріледі.