Тармақ 1. Бюро ресми қатынастар үшін байланыс құралдарына қатысты қолданылатын басымдықтар, коммуналдық және мемлекеттік салықтар мәселесінде Қазақстан Республикасында Үкіметтің кез келген басқа Үкіметке, оның дипломатиялық өкілдігін қоса алғанда, ұсынылатынынан қолайлылығы кем емес режимді пайдаланады.
Тармақ 2. ФАО-ның ресми хат-хабарына және басқа да ресми хабарламаларына перлюстрация қолданылмайды.
Тармақ 3. ФАО шифрларды пайдалануға және дипломатиялық курьерлер мен вализдерге салыстырмалы иммунитеттер мен артықшылықтарға ие курьер немесе мөрлеген вализ арқылы хат-хабарды жіберуге және алуға құқылы.
Тармақ 4. Осы бапта ешнәрсе Үкімет пен ФАО арасындағы келісім бойынша айқындалатын тиісті қауіпсіздік шараларын қолдануға тыйым салу ретінде түсіндірілмейді.