Тармақ 1. Ұлттық техникалық-экономикалық ақпарат сыныптауышы тауарлардың, жұмыстардың және көрсетілетін қызметтердің жалпы сыныптауышы болып танылады.
Тармақ 2. Тауарлардың, жұмыстардың және көрсетілетін қызметтердің жалпы сыныптауышы техникалық-экономикалық ақпарат объектілері сыныптауыш топтарының кодтары мен атауларының жиынтығын жүйеге келтіру арқылы тауарларды, жұмыстарды және көрсетілетін қызметтерді сыныптаудағы біріздендірудің бірыңғай жүйесін қамтамасыз етеді.
Тармақ 3. Тауарлардың, жұмыстардың және көрсетілетін қызметтердің жалпы сыныптауышы тауарлардың, жұмыстар мен көрсетілетін қызметтердің барлық түрлеріне қолданылады.
Тармақ 4. Тауарлардың, жұмыстардың және көрсетілетін қызметтердің жалпы сыныптауышын мемлекеттік органдар, өз қызметін Қазақстан Республикасының аумағында жүзеге асыратын және техникалық-экономикалық ақпаратты сыныптау мен кодтау жөніндегі жұмыстарға қатысатын және (немесе) оларды өз қызметінде пайдаланатын жеке және заңды тұлғалар пайдаланады.