Тармақ 1. Сұрау салушы тарап оның мемлекетінің аумағында адамдар қаза болған немесе олар мертіккен, жеке меншігі бүлінген немесе жойылған, қоршаған табиғи ортаға залал келтірілген жағдайда ұсынушы тарапқа айып тақпайды. Адамдар қаза болған немесе мертіккен жағдайда, сондай-ақ осы Тараптың жабдығы немесе басқа да меншігі жойылса немесе оған залал келтірілсе, егер мұндай залал осы Келісімді іске асыруға байланысты міндеттерді орындау барысында келтірілсе, сұрау салушы тарап ұсынушы тарапқа өтемақы төлейді. Өтемақы мөлшері әрбір нақты жағдайда жеке келісіледі.
Тармақ 2. Егер ұсынушы тараптың көмек көрсету жөніндегі топ мүшесі сұрау салушы тарап мемлекетінің аумағында осы Келісімді іске асыруға байланысты міндеттерді орындау кезінде заңды немесе жеке тұлғаға залал келтірсе, онда залалды оның мемлекетінің ұлттық заңнамасына сәйкес сұрау салушы тарап өтейді.
Тармақ 3. Көмек көрсету жөніндегі топ мүшесі қасақана немесе өрескел абайсыздықпен келтірген зиян ұсынушы тараптың өтеуіне жатады.