Тармақ 12. 1 Негізгі мүлік пен өзін-өзі қамтамасыз ету үшін шығыстарды өтеуді БҰҰ жанындағы Үндістан Республикасының Тұрақты өкілдігі Нью-Йорктегі Үндістан Республикасының Мемлекеттік банкінің шотына келіп түскен мөлшердегідей Қазақстан Республикасы Қаржы министрлігінің банктік шотына жүзеге асырады.
Тармақ 12. 2 БҰҰЛУК-қа жеке құрамның қатысқаны үшін шығыстарды ай сайын өтеу/БҰҰЛУК-та қазақстандық бітімгершілік контингенттің шетелдегі қызметі үшін ай сайынғы үстемеақыны БҰҰ жанындағы Үндістан Республикасының Тұрақты өкілдігі БҰҰЛУК-қа қатысатын қазақстандық әскери қызметшілерге кейіннен тікелей төлемдерді жүргізу үшін Қазақстан Республикасы Қорғаныс министрлігінің банктік шоттарына аудару жолымен жүзеге асырады.
Тармақ 12. 3 Тәуліктік жәрдемақыны БҰҰ белгілейді және ҮНДІҚАЗБАТ қаржы қызметінің офицері БҰҰЛУК штаб-пәтерінен алғаннан кейін өткен айдың өрістетілген күндері санына ай сайын қазақстандық бітімгершілік контингентке бөлу үшін қазақстандық рота командиріне қолма-қол ақшамен төлейді.
Тармақ 12. 4 Кезекті демалыс үшін жәрдемақыны БҰҰ Бас Ассамблеяның қарарына сәйкес әскери контингенттердің мүшелеріне өрістетудің аяқталған әрбір алты айына 15 күн үшін төлейді. Ағымдағы норма 15 күнге бір адамға күніне 10,5 АҚШ долларын құрайды. Жәрдемақыны ҮНДІҚАЗБАТ қаржы қызметінің офицері БҰҰЛУК штаб-пәтерінен алғаннан кейін қазақстандық бітімгершілік контингентке бөлу үшін қазақстандық рота командиріне қолма-қол ақшамен төлейді.
Тармақ 12. 5 ҮНДІБАТ-тың қазақстандық бітімгершілік контингентке өтемақы төлемдерін төлеу рәсімінің схемасы осы Меморандумға А қосымшада айқындалады.
Тармақ 12. 6 БҰҰЛУК-та қазақстандық бітімгершілік контингенттің және ҮНДІБАТ-тың бірлесіп өрістету бойынша өтемақы төлемдерін төлеу рәсімдері осы Меморандумға В қосымшада айқындалады.