Тармақ 8. 1 Әскери тәртіпті сақтау ұлттық тәртіптік практиканы қолданумен ұлттық заңнамаға сәйкес қатаң жүзеге асырылады.
Тармақ 8. 2 Қазақстандық бітімгершілік контингенттің персоналы жасаған тәртіптік теріс қылыққа кез келген шағымдар Үндістанның ұлттық аға өкілінің және ҮНДІҚАЗБАТ командирінің (ұлттық аға өкілдің міндеттерін орындайды), қазақстандық бітімгершілік контингенттің ұлттық аға өкілінің және қазақстандық рота командирінің (ұлттық аға өкілдің міндеттерін орындайды) назарына жеткізіледі.
Тармақ 8. 3 Қазақстандық бітімгершілік контингенттің мүшесі жасаған тәртіптік теріс қылықтарға кез келген шағымдарға ҮНДІҚАЗБАТ командиріне тергеп-тексеру барысы туралы қажетті ақпаратты бере отырып, Қазақстан Республикасының ұлттық аға өкілі тергеп-тексереді. Тергеп-тексерулер Тараптардың бірдей ұлттық рәсімдеріне сәйкес жүргізіледі.
Тармақ 8. 4 Қазақстандық бітімгершілік контингент персоналының құқыққа сыйымсыз әрекеттеріне байланысты тергеп-тексерулер жүргізу үшін қазақстандық ротаның кұрамына БҰҰ-ның басшылыққа алатын құжаттарына сәйкес қажетті құқықтық білімі бар кемінде бір әскери қызметші кіреді.
Тармақ 8. 5 Қазақстандық бітімгершілік контингенттің ұлттық аға өкілі тергеп-тексерулер нәтижелері және осыған байланысты қабылданған шаралар туралы ҮНДІҚАЗБАТ қолбасшылығын хабардар етеді.