Тармақ 1. ХҚКК Өкілдігінің мүшелеріне, олардың жұбайларына/зайыптарына, олардың асырауындағы отбасы мүшелеріне Қазақстан Республикасында тіркелген шет мемлекеттердің дипломатиялық персоналының өкілдіктері мүшелеріне берілетін мәртебе беріледі.
Тармақ 2. Олар, жеке қамауға немесе тұтқынға алуды, жеке жүкке тыйым салу және өз міндеттерін орындауға байланысты куәгерлер ретінде әрекет ету немесе іс-әрекеттеріне және/немесе жіберген қателіктеріне қатысты түсінік беру қажеттілігін қоса алғанда, сот немесе әкімшілік процестердің кез келген нысанынан иммунитетті пайдаланады.
Тармақ 3. Олардың жеке резиденцияларына, көлік құралдары, құжаттары, қолжазбалары және өзге де жеке мүлкіне қол сұғылмайды.
Тармақ 4. Оларға көші-қон бойынша ешбір төлемдер мен шектеулер, сондай-ақ шетелдіктерді тіркеу мен жалпыға бірдей әскери міндеттерге қатысты міндеттер қолданылмайды.
Тармақ 5. Олардың көлік құралдарын қоса алғанда, өз жеке мүліктерін бажсыз тасымалдауға құқығы бар. Елден кетер кезде де осыған ұқсас артықшылықтарды пайдаланады.
Тармақ 6. Олардың Қазақстан Республикасындағы өз жеке мүлкін Қазақстан Республикасында тіркелген шет мемлекеттердің дипломатиялық персоналының өкілдіктеріне берілген шарттарға сәйкес сатуға құқығы бар.
Тармақ 7. Тәртіпсіздіктер немесе қарулы қақтығыс жағдайларында, егер олар оны қаласа, өздері барынша қауіпсіз және жылдам деп санайтын тәсілмен оларға болатын мемлекеттің аумағынан шығуға қажетті жағдайлар жасалады.
Тармақ 8. Олар Қазақстан Республикасында аккредиттелген шет мемлекеттердің дипломатиялық өкілдіктерінің мүшелеріне берілген валюта режиміне қатысты жеңілдіктерді пайдаланады.
Тармақ 9. ХҚКК Өкілдігі халықаралық персоналының мүшелері ХҚКК төлейтін немесе, тұтастай алғанда, олардың Қазақстан Республикасынан тыс жерлерден алатын жалақы және өзге де сыйақы түрлеріне салынатын барлық салықтардан босатылады.
Тармақ 10. ХҚКК Өкілдігінің Басшысы мен оның Орынбасары жұбайларымен/зайыптарымен және олардың асырауындағы өзге де туыстарымен және отбасы мүшелерімен бірге аталған артықшылықтар мен иммунитеттерге қосымша, 1961 жылғы 18 сәуірдегі Димпломатялық қарым-қатынастар туралы Вена конвенциясына сәйкес дипломатиялық агенттерге берілген мәртебені пайдаланады.
Тармақ 11. Қазақстан Республикасы азаматтары болып табылатын немесе Қазақстан Республикасында тұрақты тұратын ХҚКК Өкілдігінің мүшелері өздерінің қызметтік міндеттерін орындау кезінде жасалған әрекеттеріне қатысты соттық іс қараудан иммунитетті қоспағанда, осы баптың 1 - 10 тармақтарындағы иммунитеттерді, артықшылықтар мен жеңілдіктерді пайдаланбайды.
Тармақ 12. ХҚКК Қазақстан Республикасында жұмыс істейтін ХҚКК Өкілдігі қызметкерлерінің аты-жөні, лауазымы мен міндеттері туралы мемлекеттік биліктің тиісті органдарын хабардар етеді.
Тармақ 13. ХҚКК Өкілдігінің мүшелері Қазақстан Республикасының аумағына келген сәттен бастап Қазақстан Республикасы заңнамасын құрметтеуге тиіс және оларға ұсынылатын қорғауды пайдаланады.