Тармақ 1. Осы Конвенцияның мақсаттары үшін әуе кемесі жерүсті персоналының немесе экипаждың нақты ұшу үшін әуе кемесін ұшуалды дайындауды бастаған кезден бастап кез келген қонудан кейін жиырма төрт сағат өткенге дейін пайдаланылып жатыр деп есептеледі. Мәжбүрлі қону жағдайында құзыретті биліктер әуе кемесі үшін және оның бортындағы адамдар мен мүлік үшін жауаптылықты өз мойнына алғанға дейін ұшу жалғасып жатыр деп есептеледі.
Тармақ 2. Осы Конвенция әскери, кеден және полиция қызметтеріндегі әуе кемелеріне қолданылмайды.
Тармақ 3. Осы Конвенция, егер бортында қылмыс жасалған әуе кемесінің ұшып шыққан жері немесе іс жүзінде қонған жері осындай әуе кемесі тіркелген Мемлекеттің аумағынан тысқары жерде болған жағдайда ғана қолданылады; бұл ретте әуе кемесі халықаралық ұшу немесе ішкі әуежолдарында ұшу жасады ма, оның маңызы болмайды.
Тармақ 4. Осы Конвенция, егер бортында қылмыс жасалған әуе кемесінің ұшып шыққан жері немесе іс жүзінде қонған жері бір ғана сол Мемлекеттің аумағында болса, мұндай Мемлекет 5-бапта айтылған Мемлекеттердің бірі болып табылса, көрсетілген бапта көрсетілген жағдайларға қолданылмайды.
Тармақ 5. Осы Баптың 3 және 4-тармақтарына қарамастан 6, 7, 7 bis , 8, 8 bis , 8 ter және 10-баптар әуе кемесінің ұшып шығу немесе іс жүзінде қону орнына қарамастан, егер қылмыскер немесе болжамды қылмыскер осы әуе кемесі тіркелген мемлекеттен басқа өзге мемлекеттің аумағында жүрсе де қолданылады.
Тармақ 1. Осы Конвенциядағы ешнәрсе халықаралық құқыққа сәйкес, атап айтқанда, Біріккен Ұлттар Ұйымы Жарғысының, Халықаралық азаматтық авиация туралы конвенцияның мақсаттары мен қағидаттарына және халықаралық гуманитарлық құқыққа сәйкес мемлекеттер мен тұлғалардың басқа да құқықтарын, міндеттемелері мен міндеттерін қозғамайды.
Тармақ 2. Халықаралық гуманитарлық құқықпен реттелетін осы терминдердің осы құқықта түсіндірілу ретімен қарулы күштердің қарулы қақтығыс кезіндегі әрекеттері осы Конвенцияда реттелмейді, ол сондай-ақ мемлекеттердің әскери күштері өздерінің ресми функцияларын жүзеге асыру мақсатында қолданатын әрекеттерді де реттемейді, өйткені олар халықаралық құқықтың басқа нормаларымен реттеледі.
Тармақ 3. Осы Баптың 2-тармағының ережелері өзге қатынастардағы заңсыз актілерді ақтаушы немесе заңды етуші ретінде немесе басқа заңдар негізінде сот арқылы қудалауға кедергі келтіретіндей түрде түсіндірілмейді.