Тармақ 1. Осы Атқару хаттамасына 3-қосымшаға сәйкес нысан бойынша жасалған реадмиссия туралы сұрау салуды сұрау салушы Тарап мемлекетінің құзыретті органы сұрау салынатын Тарап мемлекетінің құзыретті органына осы Келісімнің 4-бабында белгіленген мерзімде пошта байланысы арқылы және қажет болған кезде ақпарат берудің техникалық құралдарының көмегімен қосымша жібереді.
Тармақ 2. Тараптар мемлекеттері азаматтарының реадмиссиясы туралы сұрау салуға олардың болуы реадмиссияға жататын адамда сұрау салынатын Тарап мемлекетінің азаматтығы бар екендігін растайтын не азаматтығы бар деп пайымдауға негіз болатын, осы Атқару хаттамасының 2-бабында көзделген, сұрау салушы Тараптың қолында бар құжаттар қоса беріледі.
Тармақ 3. Үшінші мемлекеттер азаматтарының және азаматтығы жоқ адамдардың реадмиссиясы туралы сұрау салуға олардың болуы көрсетілген адамдардың реадмиссиясы үшін негіздерді растайтын, осы Атқару хаттамасының 3-бабында көзделген, сұрау салушы Тараптың қолында бар құжаттар қоса беріледі.
Тармақ 4. Реадмиссия туралы сұрау салуға жауапты сұрау салынатын Тарап мемлекетінің құзыретті органы сұрау салушы Тарап мемлекетінің құзыретті органына осы Атқару хаттамасына 5-қосымшаға сәйкес нысан бойынша жасалған Келісімнің 5-бабының 2-тармағында белгіленген мерзімде жазбаша нысанда пошта байланысы арқылы және қажет болған кезде ақпаратты берудің техникалық құралдарының көмегімен қосымша жібереді.