Тармақ 1. Алып жүру арқылы адамның реадмиссиясы немесе транзиті қажет болған жағдайда сұрау салушы Тарап мемлекетінің құзыретті органы сұрау салынатын Тарап мемлекетінің құзыретті органына алып жүретін адамдардың аттарын, тектері мен лауазымдарын, олардың паспорттарының түрін, нөмірін, берілген күні мен қолданылу мерзімін, сондай-ақ олардың сұрау салынатын Тарап мемлекетінің аумағында болуының болжамды мерзімдерін хабарлайды.
Тармақ 2. Алып жүретін адамдар сұрау салынатын Тарап мемлекетінің аумағында болған уақытта оның ұлттық заңнамасын сақтауға міндетті.
Тармақ 3. Алып жүретін адамдар азаматтық киімде болуға, сондай-ақ олардың өздерімен бірге жарамды паспорттары және реадмиссияға немесе транзитке қатысты келісілген уағдаластық туралы куәландыратын құжаттары болуға тиіс.
Тармақ 4. Алып жүретін адамдар қаруды және сұрау салынатын Тарап мемлекетінің аумағында шектелген немесе айналымнан алынған өзге де заттарды өздерімен алып жүре алмайды.
Тармақ 5. Тараптар мемлекеттерінің орталық құзыретті органдары алып жүретін адамдардың сұрау салынатын Тарап мемлекетінің аумағында болуын қамтамасыз етуге байланысты барлық мәселелер бойынша бір-бірімен өзара іс-қимыл жасайды. Бұл ретте сұрау салынатын Тарап мемлекетінің құзыретті органдары қажет болған кезде алып жүретін адамдарға мүмкіндігінше жәрдем көрсетеді.