Тармақ 1. Халықаралық шартқа Одақтың атынан қол қою мүше мемлекеттер халықаралық шарттың жобасына қатысты тиісті мемлекетішілік рәсімдерді орындағаннан кейін Жоғары кеңестің шешімі негізінде жүзеге асырылады.
Тармақ 2. Халықаралық шартқа қол қоюды, Жоғары кеңес халықаралық шартқа қол қоюдың өзге де форматы туралы шешім қабылдайтын жағдайды қоспағанда, мүше мемлекеттер және Одақ жүзеге асырады.
Тармақ 3. Халықаралық шартқа қол қою туралы шешім қабылданған кезде Жоғары кеңес халықаралық шартқа Одақтың құзыретіне жатқызылған бөлігінде Одақ атынан қол қоюға уәкілеттік берілген Одақ органының адамын айқындайды.
Тармақ 4. Жоғары кеңес қол қою үшін мақұлдаған халықаралық шарттың жобасына Одақ атынан халықаралық шартқа қол қоюға уәкілеттік берілген Одақ органының адамы, техникалық сипаттағы өзгерістерді қоспағанда, өзгерістер енгізе алмайды.