Тармақ 1. Халықаралық шартқа қол қою және (немесе) халықаралық шарттың міндеттілігіне келісімін білдіру кезінде, егер халықаралық шарттың өз ережелерінде немесе қолданылатын өзге де халықаралық құқық нормаларында өзгеше көзделмесе, Одақ ескертпе жасай алады.
Тармақ 2. Одақ атынан ескертпе жасау туралы шешімді Жоғары кеңес халықаралық шартқа қол қою және (немесе) Одақтың оның өзі үшін міндеттілігіне келісімін білдіруі туралы шешім қабылдаумен бір мезгілде қабылдайды.
Тармақ 3. Егер халықаралық шартта өзгеше белгіленбесе, Одақтың атынан жасалған ескертпелер кез келген уақытта алып тасталуы мүмкін. Одақтың атынан жасалған ескертпелерді алып тастау Жоғары кеңестің шешімі негізінде жүзеге асырылады.
Тармақ 4. Халықаралық шартқа үшінші тарап жасаған ескертпелерді Одақтың қабылдауы немесе Одақтың оған қарсылық білдіруі халықаралық шарттың өз ережелеріне және қолданылатын өзге де халықаралық құқық нормаларына сәйкес Жоғары кеңестің шешімі негізінде жүзеге асырылады.