Тармақ 1. Халықаралық шарт жасасу туралы ұсынысты мүше мемлекет, Комиссия Кеңесінің мүшесі немесе үшінші тарап енгізе алады.
Тармақ 2. Халықаралық шарт жасасу туралы ұсыныс Комиссияға жазбаша түрде жіберіледі.
Тармақ 3. Комиссия Алқасының Төрағасы өзара іс-қимыл жасау тәртібінде айқындалған мерзімде мүше мемлекеттердің үкіметтеріне осындай ұсыныстың келіп түскені туралы ақпарат береді.
Тармақ 4. Мүше мемлекеттер халықаралық шарт жасасу туралы ұсынысты зерделейді, қажет болған жағдайда консультациялар өткізеді және өзара іс-қимыл жасау тәртібінде айқындалған мерзімде өз позициялары туралы Комиссияға жазбаша түрде ақпарат береді.