Тармақ 1. Халықаралық шарт жасасу туралы ұсынысты қосымша зерделеу қажет болған кезде Комиссия Кеңесі мүше мемлекеттер мен Комиссия өкілдерінен бірлескен зерттеу тобын құру туралы шешім қабылдайды.
Тармақ 2. Халықаралық шарт жасасу туралы ұсынысты 1994 жылғы Тарифтер мен сауда жөніндегі бас келісімнің XXIV бабының 8-тармағы түсінігінде қараған кезде бірлескен зерттеу тобы міндетті түрде құрылады.
Тармақ 3. Бірлескен зерттеу тобының жұмысына үшінші тараптың өкілдері қатысады.
Тармақ 4. Бірлескен зерттеу тобының отырыстары мен сараптамалық консультацияларын өткізу мерзімдері мен форматын Комиссия мүше мемлекеттермен және үшінші тараппен келіседі.