Тармақ 1. Шекаралық қақтығыстарды бірлесіп тергеп-тексеру (бұдан әрі - бірлесіп тергеп-тексеру) мемлекеттік шекара режимін бұзумен немесе бір немесе екі Тарапқа да материалдық немесе өзге де нұқсан келтірумен байланысты шекаралық қақтығыстарға қатысты жүргізіледі.
Тармақ 2. Бірлесіп тергеп-тексерулерді шекара өкілдерінің кездесу пунктерінде немесе тікелей шекаралық қақтығыс орнында шекара өкілдері жүргізеді.
Тармақ 3. Осындай жағдайларда шекаралық қақтығыстарды реттеуге шекара өкілдерінің бірлесіп тергеп-тексерулер нәтижелерін қарауы, бірлесіп шешімдер қабылдау арқылы, салдар мен себептерді айқындауы және шарды жою, кінәлі адамдарды жауаптылыққа тарту және осы Келісімнің талаптарына сәйкес тәртіпті қалпына келтіру бойынша бірлесіп шаралар қолдану арқылы қол жеткізіледі.
Тармақ 4. Бірлесіп тергеп-тексерулер нәтижелерін қарау кезінде шекаралық қақтығысты реттеу бойынша шекара өкілдерінің ортақ көзқарасын көрсететін шешімдер қабылданады және шекаралық қақтығысты бірлесіп тергеп-тексеру актісі жасалады.