Бап 1 О ратификации Соглашения между Правительством РК и Правительством Республики Беларусь о производственной и научно-технической кооперации организаций оборонных отраслей промышленности
Осы Келісімнің мақсаттары үшін мынадай негізгі терминдер мен анықтамалар қолданылады:
1) әскери мақсаттағы өнім - қару-жарақ, әскери техника, әскери мақсаттағы құжаттама, жұмыстар мен көрсетілетін қызметтер, зияткерлік қызмет нәтижелері, оның ішінде оларға айрықша құқықтар (зияткерлік меншік) және әскери саладағы ғылыми-техникалық ақпарат, сондай-ақ Тараптар мемлекеттерінің ұлттық заңнамасында әскери мақсаттағы өнімге жатқызылатын кез келген басқа да өнім;
2) қосарлы мақсатта қолданылатын тауарлар - азаматтық мақсаттарда пайдаланылатын, бірақ өз ерекшеліктері мен қасиеттеріне байланысты жаппай қырып-жою (жою) қаруын, оны жеткізу құралдарын, қару-жарақ пен әскери техниканың өзге де түрлерін жасау мақсаттарында пайдаланылуы мүмкін шикізат, материалдар, жабдық, технологиялар, жұмыстар, көрсетілетін қызметтер;
3) өнеркәсіптің қорғаныс салаларының ұйымдары - Тараптар мемлекеттерінің ұлттық заңнамасына сәйкес қару-жарақты, арнайы және әскери техниканы әзірлеуге, жасауға, оны жолға қоюға, монтаждауға, жөндеуге және жаңартуға қатысты тиісті қызмет түріне құқығы бар ұйымдар және әскери мақсаттағы өнімге және (немесе) қосарлы мақсатта қолданылатын тауарларға қатысты сыртқы сауда қызметіне құқық алған ұйымдар.