Өзбекстан Республикасының Үкіметі:
Тармақ 1. Өзінің уәкілетті ұйымы арқылы "ship-or-pay" талаптарында Өзбекстан Республикасының аумағына мұнайды тасымалдау үшін Қазақстан Республикасының аумағында қуаттылық құруға Қазақстан тарапы салған инвестицияларды ақтау үшін жеткілікті кезеңде Қазақстан Республикасының аумағы бойынша магистральдық мұнай құбыры мен тасымалдау үшін мұнайдың кепілдік берілген көлемін ұсынуды уәкілетті ұйымдар арасында келісілген талаптарда қамтамасыз етеді. Мұнайдың осындай кепілдік берілген көлемі мұнайды тасымалдау бойынша қызметтерді ұсынуға арналған шарттарда көрсетілуге тиіс.
Тармақ 2. Қазақстан Республикасының аумағы арқылы берілетін мұнайдың жоспарланған көлемін қабылдауды қамтамасыз ету үшін Өзбекстан Республикасының аумағында мұнай-көлік және мұнай өңдеу инфрақұрылымдарын салуды уақтылы аяқтауға кепілдік береді.
Тармақ 3. Ресейлік өнім берушілер беретін мұнайдың сапасын ресейлік мұнайдың ағымдағы берілімдерінен төмен емес деңгейде сақтауға кепілдік береді.
Тармақ 4. Қазақстан Республикасының аумағы арқылы мұнайдың жоспарланған көлемін тасымалдауды қамтамасыз ету мақсатында Ресей тарапының Ресей Федерациясының аумағында мұнай-көлік инфрақұрылымының өткізу қабілеттілігін, сондай-ақ Ресей тарапымен келісу бойынша ресейлік мұнайды Қазақстан Республикасы бағытында және одан әрі Өзбекстан Республикасына тасымалдау үшін Ресей Федерациясының магистральдық мұнай құбыры жүйесіне қол жеткізуді мөлшерлес ұлғайту үшін барлық қажетті шараларды қабылдайды.