Тармақ 1. Мүше мемлекеттердің қаржы нарығы саласындағы заңнамасын үйлестіру жөніндегі шараларды іске асыру Қаржылық қызметтер жөніндегі хаттаманың (2014 жылғы 29 мамырдағы Еуразиялық экономикалық одақ туралы шартқа № 17 қосымша ) 22 - 26 және 30-тармақтарында айқындалған бағыттар бойынша жүзеге асырылады.
Тармақ 2. Осы Келісімге қатысушылар қаржылық қызметтерді тұтынушылардың құқықтары мен мүдделерін қорғау жөніндегі талаптарды үйлестіруді жүзеге асырады.
Тармақ 3. Мүше мемлекеттердің қаржы нарықтарында қызметті жүзеге асыруға қойылатын нақты талаптарды үйлестіру сақталатын айырмашылықтар Еуразиялық экономикалық одақ шеңберінде ортақ қаржы нарығының тиімді жұмыс істеуіне кедергі келтірмеген жағдайда жүзеге асырылуға тиіс.
Тармақ 4. Мүше мемлекеттер 2025 жылғы 1 қаңтарға қарай осы баптың 1 және 2-тармақтарында көзделген бағыттарға сәйкес өздерінің қаржы саласындағы заңнамасын үйлестіру процесін аяқтайды.