Тармақ 1. Осы Келісімге қатысушылар Еуразиялық экономикалық комиссиямен бірлесіп осы Келісім күшіне енген күннен бастап 9 ай ішінде мүше мемлекеттердің заңнамасын үйлестіруді жүргізу кезеңдері мен мерзімдерін көрсете отырып, мүше мемлекеттердің заңнамасын үйлестіру жоспарын (бұдан әрі - үйлестіру жоспары) әзірлейді, оны Еуразиялық экономикалық комиссия Кеңесі бекітеді.
Тармақ 2. Үйлестіру жоспарына сәйкес әзірленген, мүше мемлекеттердің қаржы нарығы саласындағы заңнамасын үйлестіру (оның ішінде халықаралық келісімдер қабылдау арқылы) жөніндегі осы Келісімге қатысушылармен келісілген ұсыныстарды және мүше мемлекеттердің заңнамасына ұсыныстарды имплементациялау мерзімдерін Еуразиялық экономикалық комиссия Кеңесі бекітеді.
Тармақ 3. Еуразиялық экономикалық комиссия үйлестіру жоспарын және мүше мемлекеттердің заңнамасын үйлестіру жөніндегі ұсыныстарды әзірлеу жөніндегі қызметті осы жоспардың тармақтарына сәйкес үйлестіреді, жыл сайын оның орындалуы туралы есеп дайындайды және мұндай есепті Еуразиялық экономикалық комиссия Кеңесінің бекітуіне ұсынады.