Бап 1 О ратификации Договора между Республикой Казахстан и Федеративной Республикой Бразилия о взаимной правовой помощи по уголовным делам

Тармақ 1. Тараптар осы Шарттың ережелеріне сәйкес, қылмыстар үшін тергеп-тексеруге немесе қылмыстық қудалауға байланысты қабылданатын кез келген шараларды және қылмыстық жолмен алынған кірістерге немесе қылмыс құралдарына жататын активтерді шектеу, алып қою немесе тәркілеу, сондай-ақ қайтару сияқты уақытша шараларды қоса алғанда, қылмыстық істерге байланысты талқылаулардың мақсаттары үшін өзара құқықтық көмек көрсетеді.

Тармақ 2. Көмек:

• 1) a) құжаттарды табыс етуді;
• 2) b) куәлік айғақтарды немесе адамдардың арыздарын алуды;
• 3) c) осы Шарттың мақсаттары үшін күзетпен ұсталатын адамдарды беруді;
• 4) d) іздестіру және алып қою бойынша сұрау салуларды орындауды;
• 5) е) құжаттармен, жазбалармен және басқа да дәлелдемелік материалдармен қамтамасыз етуді;
• 6) f) адамдарды, заттар мен орындарды сараптамалық зерттеулерді;
• 7) g) сараптама қорытындыларын алуды және беруді;
• 8) һ) адамдардың тұрған жерін айқындауды немесе оларды сәйкестендіруді;
• 9) і) қылмыстың кірістері мен құралдарын шектеуді, алып қоюды, тәркілеуді және пайдалануға ауыртпалық қоюды қоса алғанда, сәйкестендіруді, ізіне түсуді, уақытша шараларды және талқылауларға байланысты көмекті;
• 10) j) активтерді қайтаруды;
• 11) k) активтерді бөлуді;
• 12) l) Орталық органдар арасында келісілуі мүмкін өзге де көмекті қамтиды.

Тармақ 3. Көмек сұрау салудың нысанасы болып табылатын әрекеттің екі Тараптың заңнамасына сәйкес жазаланатынына не жазаланбайтынына қарамастан көрсетіледі.

Тармақ 4. Егер сұрау салу дәлелдемелерді іздеу және алып қою, қылмыстың кірістерін немесе құралдарын шектеу немесе тәркілеу үшін жасалса, Сұрау салынатын Тарап өзінің ішкі заңнамасына сәйкес көмекті өз қарауы бойынша көрсете алады.

Тармақ 5. Осы Шарттың мақсаттарында құқықтық көмекті Сұрау салушы Тараптың заңнамасында қылмысқа қатысты әкімшілік рәсімдерде немесе сот рәсімдерінде әрекет етуге уәкілеттік берілген құзыретті органдар сұратуға құқылы.