Тармақ 1. Тараптар сәйкестендіруді, ізіне түсуді, қылмыстың кірістері мен құралдарын шектеу, алып қою және тәркілеу сияқты алдын ала шараларды қамтитын рәсімдерде бір-біріне көмек көрсетеді.
Тармақ 2. Егер Тараптардың бірінің орталық органына қылмыстың кірістері немесе құралдары екінші Тараптың аумағында екені және осы Тараптың заңнамасына сәйкес шектеу, алып қою немесе тәркілеу сияқты алдын ала шараларға ұшырауы мүмкін екендігі мәлім болса, онда ол бұл туралы екінші Тараптың орталық органына хабарлай алады.
Тармақ 3. Егер Тарап осындай хабарламаны алса, онда ол осы ақпаратты тиісті әрекеттерді қабылдау туралы мәселені шешу үшін өзінің құзыретті органдарына жібере алады. Көрсетілген құзыретті органдар өз мемлекетінің заңнамасына сәйкес шешім қабылдайды және осы мемлекеттің орталық органы екінші Тараптың қабылданған әрекеттер туралы хабардар болғанына көз жеткізуге тиіс.