Тармақ 1. Сұрау салынатын Тараптың орталық органы сұрау салуды дереу орындайды немесе қажет болған жағдайда оны құзыретті органдарға береді. Сұрау салынатын Тараптың құзыретті органдары сұрау салуды орындау үшін барлық мүмкіндікті жасайды. Сұрау салынатын Тараптың соттары сұрау салуды орындау үшін қажетті шақыру қағаздарын, тінтуге шешімдерді немесе басқа да шешімдерді беруге уәкілетті.
Тармақ 2. Егер осы Шартта өзгеше көзделмесе, көмек туралы сұрау салулар Сұрау салынатын Тараптың заңнамасына сәйкес орындалады.
Тармақ 3. Егер осы Шартта өзгеше көзделмесе, Сұрау салынатын Тарап мұндай формалдылықтар мен рәсімдер Сұрау салынатын Тараптың заңнамасына қайшы келмеген жағдайда, Сұрау салушы Тарап көрсеткен формалдылықтар мен рәсімдерді сақтайды.
Тармақ 4. Сұрау салынатын Тараптың орталық органы Сұрау салушы Тараптың сұрау салуда көрсетілген лауазымды адамдарының сұрау салуды орындауға қатысуына жәрдемдесе алады.
Тармақ 5. Сұрау салынатын Тараптың орталық органы Сұрау салушы Тараптың орталық органынан сұрау салуды орындау мүмкіндігін қамтамасыз ету үшін қажет болуы мүмкін нысанда ақпаратты ұсынуды сұрата алады.
Тармақ 6. Сұрау салынатын Тараптың орталық органы Сұрау салушы Тараптан алынған сұрау салуды орындау үшін Сұрау салынатын Тараптың заңнамасына сәйкес қажет болуы мүмкін кез келген шараларды қолдана алады.
Тармақ 7. Сұрау салынатын Тараптың орталық органы Сұрау салушы Тараптың орталық органының өтініші бойынша сұрау салуды орындау рәсіміне қатысты кез келген ақпаратты ұсынады.
Тармақ 8. Сұрау салынатын Тараптың орталық органы Сұрау салушы Тараптың орталық органына сұрау салудың орындалуына кедергі келтіретін немесе сұратылған әрекетті өзгертуді талап ететін кез келген мән-жайлар туралы дереу хабарлайды.
Тармақ 9. Сұрау салынатын Тараптың орталық органы Сұрау салушы Тараптың орталық органына сұрау салуды орындау нәтижелері туралы дереу ақпарат береді.