Бап 3 О ратификации Договора между Республикой Казахстан и Федеративной Республикой Бразилия о взаимной правовой помощи по уголовным делам

Тармақ 1. Егер:

• 1) a) сұрау салуды орындау Сұрау салынатын Тараптың егемендігіне, қоғамдық тәртібіне немесе басқа да елеулі мүдделеріне нұқсан келтіруі мүмкін болса;
• 2) b) қылмыс Сұрау салынатын Тараптың заңнамасына сәйкес саяси сипаты бар қылмыс ретінде қаралатын болса;
• 3) c) сұрау салу адамды шығу тегі, әлеуметтік, лауазымдық және мүліктік жағдайы, нәсілі, жынысы, діни сенімі, көзқарасы, тілі, ұлты немесе этникалық тиесілілігі белгісі бойынша қудалау мақсатында жіберілген деп пайымдауға негіздер болса;
• 4) d) сұрау салу төтенше немесе осы жағдай үшін құрылған ( аd һос ) трибуналдың талабы бойынша дайындалса;
• 5) е) сұрау салу Сұрау салынатын Тарапта көмек туралы сұрау салуда айтылған нақ сол қылмысы үшін жауаптылыққа тартылған адамға қатысты болса;
• 6) f) сұрау салу әдеттегі қылмыстық құқыққа сәйкес қылмыс болып табылмайтын, Сұрау салынатын Тарап әскери қылмыс ретінде танитын қылмысқа қатысты болса, Сұрау салынатын Тараптың орталық органы көмектен бас тарта алады.

Тармақ 2. Егер сұрау салуды орындау жүргізіліп жатқан қылмыстық талқылауға кедергі келтіретін болса немесе өзінің аумағында қандай да бір адамның қауіпсіздігіне нұқсан келтірсе, Сұрау салынатын Тарап оның орындалуын кейінге қалдыра алады.

Тармақ 3. Осы бапқа сәйкес сұрау салуды орындаудан бас тартпастан немесе оны орындауды кейінге қалдырмастан бұрын Сұрау салынатын Тарап құқықтық көмекті белгілі бір шарттарда көрсету мүмкіндігі туралы мәселені қарауға құқылы. Осы мақсатта Тараптардың орталық органдары өзара консультациялар жүргізеді және Сұрау салушы Тарап келіскен жағдайда құқықтық көмек оған Тараптар келіскен шарттарда көрсетіледі.

Тармақ 4. Сұрау салынатын Тараптың орталық органы құқықтық көмекті көрсетуден бас тартса немесе оны кейінге қалдырса, онда ол мұндай бас тартудың немесе кейінге қалдырудың себептері туралы Сұрау салушы Тараптың орталық органын хабардар етеді.