Тармақ 1. Еуразиялық экономикалық одаққа мүше мемлекеттерден орталық кеден органдары осы Келісім шеңберінде ақпарат алмасуды жүзеге асыруға жауапты уәкілетті органдар болып табылады.
Тармақ 2. ҚХР-дан ҚХР-дың Бас кеден басқармасы осы Келісім шеңберінде ақпарат алмасуды жүзеге асыруға жауапты уәкілетті орган болып табылады.
Тармақ 3. Еуразиялық экономикалық комиссия осы Келісім ережелерінің іске асырылуын үйлестіруді және Еуразиялық экономикалық одақтың интеграцияланған ақпараттық жүйесін пайдалана отырып осы Келісімнің ережелерін ескере келе, ақпарат алмасудың ұйымдастырылуын қамтамасыз етеді.
Тармақ 4. Егер Еуразиялық экономикалық одаққа мүше мемлекеттердің кеден органдары жөнелту елінің немесе транзит елінің кеден органдары ретінде әрекет еткен жағдайда, тиісті уәкілетті органдар халықаралық тасымалдағы тауарлар мен көлік құралдары туралы ақпаратты ҚХР-дың уәкілетті органына беру үшін осындай ақпаратты Еуразиялық экономикалық одақтың интеграцияланған ақпараттық жүйесіне береді.
Тармақ 5. Егер ҚХР-дың кеден органдары жөнелту елінің немесе транзит елінің кеден органдары ретінде әрекет еткен жағдайда, ҚХР-дың уәкілетті органы халықаралық тасымалдағы тауарлар мен көлік құралдары туралы ақпаратты Еуразиялық экономикалық одаққа мүше мемлекеттердің уәкілетті органдарына беру үшін осындай ақпаратты Еуразиялық экономикалық одақтың интеграцияланған ақпараттық жүйесіне береді.