Тармақ 1. Тараптар осы Келісімнің іске асырылуына жауапты уәкілетті және құзыретті органдарды айқындайды.
Тармақ 2. Тараптар осы Келісімнің депозитарийіне осы Келісімнің іске асырылуына жауапты уәкілетті және құзыретті органдар туралы бір мезгілде хабарлай отырып, осы Келісім күшіне енуі үшін қажетті мемлекетішілік рәсімдердің орындалуы туралы ақпарат береді. Уәкілетті немесе құзыретті органның атауы өзгертілген жағдайда тиісті Тарап бүл туралы депозитарийді хабардар етеді.
Тармақ 3. Мүше мемлекеттердің құзыретті органдары осы Келісім күшіне енген күннен бастап күнтізбелік 30 күн ішінде мүше мемлекеттердің заңнамасына сәйкес осы Келісімнің 3-бабының 1-тармағында көрсетілген өтінішті қарау тәртібін белгілейді және қажет болған жағдайда мұндай тәртіпке өзгерістер енгізеді.
Тармақ 4. Мүше мемлекеттердің құзыретті органдары осы Келісім күшіне енген күнінен бастап күнтізбелік 30 күн ішінде осы Келісімнің 7-бабында көрсетілген құжаттардың үлгілерімен, сондай-ақ осы құжаттарды беру қағидаларымен алмасады.