Тармақ 1. Өтінім беруші Одақтың тауар белгісін тіркеу туралы шешім қабылданғанға дейін Одақтың тауар белгісіне өтінімге өзгерістер енгізуге құқылы.
Тармақ 2. Мәлімделген белгілеме елеулі түрде өзгерген немесе Одақтың тауар белгісіне өтінімде көрсетілген тауарлар тізбесі кеңейтілген жағдайда, өтінішхаттан бас тартылады. Мұндай өзгерістерді өтінім беруші дербес өтінім ретінде ресімдеуі мүмкін.
Тармақ 3. Өтінім беру ведомствосы Одақтың тауар белгісіне өтінімге өзгерістер енгізу туралы өтінішхатты қарау нәтижелері туралы өтінім берушіні және ұлттық патенттік ведомстволарды хабардар етеді.
Тармақ 4. Одақтың тауар белгісіне өтінімге өзгерістер енгізгені үшін өтінім беру ведомствосы мемлекетінің заңнамасында белгіленген мөлшерде баж төленеді.