Тармақ 1. Одақтың тауар белгісін тіркеу туралы шешім негізінде өтінім беру ведомствосы өтінім беруші Одақтың тауар белгісі тіркелгені және Одақтың тауар белгісіне куәлік берілгені үшін баж төленгенін растайтын құжатты берген күннен бастап 5 жұмыс күні ішінде Одақтың тауар белгісін Одақтың тауар белгілерінің бірыңғай тізілімінде тіркейді және Одақтың тауар белгісіне куәлік береді.
Тармақ 2. Одақтың тауар белгілерінің бірыңғай тізілімінің ұлттық бөлімдері мәліметтерінің анықтығы мен толықтығы үшін тиісті ақпаратты орналастырған ұлттық патенттік ведомстволар жауапты болады.
Тармақ 3. Одақтың тауар белгілерінің бірыңғай тізілімінің мәліметтері ұлттық патенттік ведомстволардың Одақтың тауар белгісін тіркеу туралы шешімдерінде қамтылған мәліметтерге сәйкес келмеген кезде көрсетілген шешімдердегі мәліметтер артықшылыққа ие болады.
Тармақ 4. Одақтың тауар белгілерінің бірыңғай тізілімінің мәліметтеріне өзгерістер енгізу өтінім беру ведомствосы мемлекетінің заңнамасында белгіленген мөлшерде баж төленген жағдайда жүзеге асырылады.
Тармақ 5. Одақтың тауар белгілерінің бірыңғай тізілімінің ұлттық бөлімін жүргізетін ұлттық патенттік ведомство осы бөлімнен үзінді көшірмені ұлттық патенттік ведомство бастығының қолын қойып ресімдейді.