Бап 4 О ратификации Договора о товарных знаках, знаках обслуживания и наименованиях мест происхождения товаров Евразийского экономического союза
Тармақ 1. Одақтың тауар белгісіне өтінімді өтінім беруші Нұсқаулықта белгіленетін нысан бойынша және тәртіппен ұлттық патенттік ведомствоға береді.
Тармақ 2. Одақтың тауар белгісіне өтінімде мыналар қамтылуға тиіс:
1) өтінім берушінің атауы (тегі, аты, әкесінің аты (соңғысы бар болса) және орналасқан жерінің (тұрғылықты жерінің) мекенжайы, сондай-ақ өтінім беру ведомствосы мемлекетінің аумағында хат жазысу үшін мекенжай;
2) мәлімделетін белгілеме;
3) Одақтың тауар белгісін тіркеу сұратылатын және 1957 жылғы 15 маусымдағы Белгілерді тіркеу үшін тауарлар мен көрсетілетін қызметтердің халықаралық сыныптамасы туралы Ницца келісімінде көзделген (бұдан әрі - Тауарлар мен көрсетілетін қызметтердің халықаралық сыныптамасы) сыныптар бойынша топтастырылған тауарлар тізбесі.
Тармақ 3. Одақтың тауар белгісіне өтінімде мыналар қамтылуы мүмкін:
1) Одақтың тауар белгісіне өтінім берілген күннен бастап 1 ай ішінде ұсынылуы мүмкін өтінім берілген күннен неғұрлым ертерек басымдықты белгілеуге нұсқама;
2) белгілеме мәлімделетін түске немесе түстер үйлесіміне нұсқама;
3) Одақтың тауар белгісі өтінім беру ведомствосы қолданатын стандартты рәміздерді пайдаланыла отырып, тіркелуге және жариялануға тиіс екендігіне нұсқама;
4) мәлімделетін сөздік белгілеменің кириллица пайдаланылған транслитерациясы;
5) мәлімделетін сөздік белгілеменің мүше мемлекеттердің мемлекеттік тілдеріндегі аудармасы;
6) мәлімделетін белгілеменің сипаттамасы;
7) өтінім берушінің өкілі туралы мәліметтер және оның мекенжайы.
Тармақ 4. Одақтың тауар белгісіне өтінім беру кезінде немесе осындай өтінім түскен күннен бастап 1 айдан кешіктірмей өтінім беруші Одақтың тауар белгісіне өтінім бергені үшін баж төленгенін растайтын қүжатты береді.
Тармақ 5. Осы Шарттың 5-бабының 2-тармағына сәйкес конвенциялық басымдықты белгілеу үшін талаптардың сақталуы шартымен ұлттық патенттік ведомствоға тауар белгісін тіркеуге берілген өтінім Одақтың тауар белгісіне өтінімге өзгертілуі мүмкін.
Тармақ 6. Одақтың тауар белгісіне өтінім орыс тілінде жасалады.
Тармақ 7. Одақтың тауар белгісіне өтінім бойынша іс жүргізуді халықаралық шарттарға және өтінім беру ведомствосы мемлекетінің заңнамасына сәйкес өтінім беруші дербес немесе өкіл арқылы, оның ішінде өтінім беру ведомствосында тіркелген, патенттік сенім білдірілген өкіл арқылы жүзеге асыра алады.