Тармақ 1. Жазаны тағайындау мемлекеті осы Конвенция қолданылуы мүмкін кез келген сотталған адамға осы Конвенцияның мазмұны, сондай-ақ жазаны орындауды берудің құқықтық салдары туралы хабарлайды.
Тармақ 2. Сотталған адам немесе оның заңды өкілі Жазаны тағайындау мемлекетіне немесе Жазаны орындау мемлекетіне жазаны орындауды беру туралы өтінішхатпен жүгіне алады.
Тармақ 3. Жазаны орындауды беру туралы өтінішхат келіп түскен Уағдаласушы Тараптың құзыретті органы қабылданған шешім туралы (жазаны орындауды беру туралы немесе бас тарту туралы сұрау салумен жүгінгені туралы) жазбаша нысанда беру туралы өтінішхатпен жүгінген сотталған адамға немесе оның заңды өкіліне хабарлайды. Бас тарту туралы шешім дәлелді болуға тиіс.