Тармақ 1. Жазаны тағайындау мемлекетінің және Жазаны орындау мемлекетінің соты немесе өзге де құзыретті органы жазаны орындауды беру туралы шешім қабылдаған жағдайда Жазаны тағайындау мемлекетінің және Жазаны орындау мемлекетінің құзыретті органдары орындау үшін қажетті құжаттармен қоса Жазаны тағайындау мемлекетінің құзыретті органы куәландырған сотталған адамның жеке немесе бақылау ісі көшірмелерін беру тәртібін келіседі.
Тармақ 2. Жазаны тағайындау мемлекетінің құзыретті органы сотталған адамға қабылданған шешім туралы хабарлайды. Қабылданған шешім туралы сотталған адамға хабарлау мүмкін болмаған жағдайда Жазаны тағайындау мемлекетінің құзыретті органы себептерді көрсете отырып, ол туралы Жазаны орындау мемлекетіне хабарлайды.
Тармақ 3. Осы баптың 2-тармағында көрсетілген хабарлау кезінде сотталған адамға Жазаны тағайындау мемлекетінің құзыретті органы қабылданған шешім туралы сотталған адамға хабарланған күннен бастап 45 күннен кешіктірмей Жазаны тағайындау мемлекетінің аумағынан кету және бас бостандығынан айырумен байланысты емес жазаны және (немесе) қылмыстық-құқықтық сипаттағы шараны орындауды жалғастыру үшін Жазаны орындау мемлекетінің құзыретті органына келу міндеті туралы хабарланады.
Тармақ 4. Сотталған адамның Жазаны тағайындау мемлекетінен Жазаны орындау мемлекетіне өз бетінше ауысу тәртібі осы Уағдаласушы Тараптардың заңнамасымен реттеледі.
Тармақ 5. Осы баптың 3-тармағында айқындалған мерзімде Жазаны тағайындау мемлекетінің аумағынан кету міндеті орындамаған жағдайда сотталған адам Жазаны тағайындау мемлекетінен оның заңнамасында айқындалған тәртіппен шығарып жіберілуі мүмкін.
Тармақ 6. Осы баптың 3-тармағында айқындалған мерзімде Жазаны орындау мемлекетінің құзыретті органына келу бойынша міндетті жағдайда сотталған адам Жазаны орындау мемлекетінің заңнамасына сәйкес жауаптылыққа тартылуы мүмкін.
Тармақ 7. Жазаны орындауды беру туралы сұрау салу келіп түскен, Жазаны тағайындау мемлекетінен Жазаны орындау мемлекетіне кеткен сотталған адамның тұрғылықты жері туралы мәліметтер болмаған жағдайда Жазаны орындау мемлекеті сотталған адамның тұрғылықты жерін анықтайды және осы Конвенцияға сәйкес жазаны орындауға қабылдау не бас тарту туралы шешім шығарады.