Бап 14 О закупках отдельных субъектов квазигосударственного сектора

Тармақ 1. Қор Қордың және Қор ұйымдарының сатып алу мәселелері бойынша бақылауды және әдістемелік басшылықты, мониторингті және талдауды жүзеге асырады.

Тармақ 2. Қор мынадай функцияларды жүзеге асырады:

• 1) Қордың және Қор ұйымдарының сатып алу веб-порталын айқындайды;
• 2) Қордың және Қор ұйымдарының сатып алу веб-порталының жұмыс істеу, оның ішінде веб-портал жұмысында техникалық іркілістер туындаған жағдайда жұмыс істеу қағидаларын бекітеді;
• 3) Қордың және Қор ұйымдарының сатып алу саласындағы тізілімдерді, тізбелерді қалыптастыру және жүргізу қағидаларын бекітеді;
• 4) Қордың және Қор ұйымдарының офтейк-келісімшартты жасасу және орындау тәртібін бекітеді;
• 5) Қордың және Қор ұйымдарының сатып алуын бақылау жөніндегі орталықтандырылған қызметтің функцияларын жүзеге асыратын Қордың құрылымдық бөлімшесін айқындайды;
• 6) осы Заңда, Қазақстан Республикасының өзге де заңдарында, Қордың жарғысында және Қордың сатып алуын жүзеге асыру тәртібінде белгіленген өзге де өкілеттіктерді жүзеге асырады.

Тармақ 3. Қордың Директорлар кеңесі:

• 1) Қордың сатып алуын жүзеге асыру тәртібін бекітеді;
• 2) Қордың сатып алуын жүзеге асыруына бақылау жүргізу қағидаларын бекітеді.

Тармақ 4. Тапсырыс берушінің не сатып алуды ұйымдастырушының бірінші басшысы, бірінші басшысының орынбасары немесе өзге де басшысы сатып алу жөніндегі комиссияның төрағасы болып тағайындалады.