Тармақ 1. Мемлекеттік фельдъегерлік қызмет осы Заңға сәйкес Қазақстан Республикасының мемлекеттік органдарын және өзге де ұйымдарды мемлекеттік құпияларды құрайтын мәліметтерді қорғай отырып, мемлекеттік фельдъегерлік байланыспен қамтамасыз етуге арналған.
Тармақ 2. Мемлекеттік фельдъегерлік қызмет туралы ережені, мемлекеттік фельдъегерлік қызметтің жұмысын ұйымдастыру және мемлекеттік фельдъегерлік байланыстың көрсетілетін қызметтерін ұсыну қағидаларын, сондай-ақ мемлекеттік фельдъегерлік байланыстың көрсетілетін қызметтерін пайдаланушылар тізбесін Қазақстан Республикасының Үкіметі бекітеді.
Тармақ 3. Мемлекеттік фельдъегерлік қызмет өз өкілеттіктерін жүзеге асырған кезде оның қызметіне араласуға тыйым салынады.
Тармақ 4. Мемлекеттік фельдъегерлік қызметтің құрылымы мен штаттарын уәкілетті орган бекітеді.