Бап 6 О государственной фельдъегерской связи. Мемлекеттік фельдъегерлік қызмет басшылығының өкілеттіктері

Тармақ 1. Мемлекеттік фельдъегерлік қызметті уәкілетті органның басшысы лауазымға тағайындайтын және лауазымнан босататын мемлекеттік фельдъегерлік қызметтің бастығы басқарады.

Тармақ 2. Мемлекеттік фельдъегерлік қызметтің бастығы:

• 1) мемлекеттік фельдъегерлік қызметтің бірыңғай жүйесіне басшылықты дара басшылық пен субординация (бағыныстылық) қағидатында жүзеге асырады;
• 2) уәкілетті органның қарауына мемлекеттік фельдъегерлік қызметтің құрылымы мен штаттарын өзгерту туралы ұсыныстар енгізеді;
• 3) мемлекеттік фельдъегерлік қызметтің қызметкерлері мен жұмыскерлерін тағайындайды, қызметі бойынша ауыстырады, лауазымынан босатады, тәртіптік жаза қолданады, көтермелейді және наградтайды;
• 4) уәкілетті органның басшысына мемлекеттік фельдъегерлік қызмет бастығының орынбасары лауазымына тағайындау үшін кандидатура бойынша ұсыну енгізеді;
• 5) уәкілетті органның басшысы алдында мемлекеттік фельдъегерлік қызметтің жұмысы туралы есеп береді;
• 6) өз өкілеттіктері шегінде орындалуы міндетті бұйрықтар шығарады және нұсқаулар береді;
• 7) өз орынбасарларына, мемлекеттік фельдъегерлік қызметтің құрылымдық бөлімшелері мен филиалдарының басшыларына өкілеттік береді;
• 8) Қазақстан Республикасының мемлекеттік органдарында және халықаралық ұйымдарда мемлекеттік фельдъегерлік қызметтің атынан өкілдік етеді;
• 9) мемлекеттік фельдъегерлік қызметте сыбайлас жемқорлыққа қарсы іс-қимыл жөніндегі жұмысты ұйымдастырады;
• 10) осы Заңмен және Қазақстан Республикасының өзге де нормативтік құқықтық актілерімен өзіне жүктелген өзге де өкілеттіктерді жүзеге асырады.