Ақпарат пайдаланудағы құпиялылық және шектеулер
Тармақ 1. Құпиялылықты бұзу сұрау салуды орындау үшін қажет болып табылатын жағдайларды қоспағанда, сұрау салынатын Тарап сұрау салуды алу фактісіне, оның мазмұнына немесе сұрау салуға байланысты қабылданған кез келген іс-қимылға қатысты құпиялылықты қамтамасыз етеді.
Тармақ 2. Сұрау салушы Тарап сұрау салынатын Тараптың алдын ала рұқсатынсыз осы Келісімнің негізінде алынған дербес деректерді сұрау салуда көрсетілгеннен өзге мақсаттар үшін пайдаланбайды.
Тармақ 3. Егер сұрау салушы Тарапқа дербес деректерді сұрау салуда көрсетілгендерге қарағанда өзге мақсаттар үшін жария ету және (немесе) толық немесе ішінара пайдалану қажет болса, ол сұрау салынатын Тараптың, берілуі мүмкін немесе толық немесе ішінара бас тартылуы мүмкін рұқсатын сұратады.
Тармақ 4. Сұрау салушы Тарап үшінші мемлекеттерге, ұйымдарға және адамдарға сұрау салынатын Тараптың рұқсатынсыз одан алынған дербес деректерді бермейді.
Тармақ 5. Тараптар жеке тұлға туралы ақпаратты оған құқыққа сыйымсыз немесе кездейсоқ қол жеткізуден, оны жоюдан, өзгертуден, бұғаттаудан, көшіруден, беруден немесе таратудан, сондай-ақ осындай ақпаратқа қатысты өзге де құқыққа сыйымсыз әрекеттерден қорғауды қамтамасыз етеді.