Бап 5 О ратификации Соглашения о взаимной правовой помощи по административным вопросам в сфере обмена персональными данными

Тармақ 1. Сұрау салу жазбаша нысанда жасалады.

Тармақ 2. Сұрау салу:

• 1) а) сұрау салуды өз бастамасымен жолдаған уәкілетті органның атауын;
• 2) б) сұрау салудың мақсатын және сұрау салынатын құқықтық көмектің сипаттамасын;
• 3) в) өзіне қатысты сұрау салу жіберілген дербес деректер субъектісін сәйкестендіретін деректерді (тегі, аты (әкесінің аты), азаматтығы, тұрғылықты жері (немесе болатын жері туралы мәліметтер), туған күні мен туған жері;
• 4) г) қажет болған кезде сұрау салуды орындаудың ерекше тәртібінің сипаттамасын және осы қажеттіліктің негіздемесін;
• 5) д) сұрау салушы Тарап сұрау салуды орындау кезінде қолдануды өтінетін кез келген нақты рәсімдердің сипаттамасын және ол үшін негіздемені;
• 6) е) қажет болған кезде және мүмкіндігіне қарай сұрау салынатын ақпараттың, құжаттардың немесе анықтамалардың сипаттамасын;
• 7) ж) құпиялылықты қамтамасыз ету үшін талаптар, егер мұндайлар бар болса, және ол үшін негіздемені қамтиды.

Тармақ 3. Егер сұрау салынатын Тарап сұрау салуда көрсетілген мәліметтер оны орындау үшін жеткіліксіз деп санаса, ол қосымша ақпаратты сұрата алады.

Тармақ 4. Сұрау салуға қол қойылуға және ол сұрау салушы Тараптың уәкілетті органының ресми мөрімен куәландырылуға тиіс.