Бап 6 О биологической безопасности РК

Тармақ 1. Биологиялық қауіпсіздік саласындағы негізгі проблемалар мен қатерлер, стратегиялық мақсаттар, негізгі бағыттар, нысаналы индикаторлар, міндеттер және нәтижелердің көрсеткіштері, ведомствоаралық өзара іс-қимыл Қазақстан Республикасының Ұлттық қауіпсіздік стратегиясында айқындалады.

Тармақ 2. Биологиялық қауіпсіздік саласында жедел ведомствоаралық ақпарат алмасуды қамтамасыз ету және үйлестірілген шараларды қабылдау биологиялық қауіпсіздік саласындағы мемлекеттік ақпараттық жүйе арқылы және Қазақстан Республикасының заңнамасына сәйкес өзге де тәсілдермен жүзеге асырылады.

Тармақ 3. Биологиялық қауіпсіздік саласындағы мемлекеттік реттеу:

• 1) биологиялық қауіпсіздік саласындағы бірыңғай мемлекеттік саясатты іске асыру;
• 2) патогенді биологиялық агенттермен жұмыс істеудің рұқсат беру тәртібін енгізу;
• 3) биологиялық қауіпсіздік саласындағы талаптардың сақталуын мемлекеттік бақылауды және қадағалауды жүргізу;
• 4) биологиялық тәуекелдерді басқару;
• 5) биологиялық қауіпсіздік саласындағы есепке алу, мониторингтеу және болжау (модельдеу) арқылы жүзеге асырылады.