Тармақ 1. Тараптар осы Келісімге сәйкес уәкілетті ұйымдарды тарта отырып, Тараптардың мемлекеттері шаруашылық жүргізуші субъектілерінің (резиденттерінің) Қазақстан Республикасының аумағынан Армения Республикасына ЕАЭО СЭҚ ТН-нің 27-тобында сыныпталатын тауарлардың тізбесіне сәйкес беруді жүзеге асыруы үшін қажетті жағдайлар жасайды.
Тармақ 2. Қазақстан Республикасынан Армения Республикасына индикативтік баланстарда көзделген көлемдерде ішкі тұтыну үшін берілетін, Тізбеде бекітілген, ЕАЭО СЭҚ ТН-нің 27-тобында сыныпталатын тауарларға қатысты Қазақстан тарапы ЕАЭО туралы шарттың 28-бабына сәйкес кедендік әкету баждарын алмайды.
Тармақ 3. Қазақстан Республикасынан Армения Республикасына Тізбеде бекітілген, ЕАЭО СЭҚ ТН-нің 27-тобында сыныпталатын тауарларды ағымдағы күнтізбелік жылға арналған индикативтік баланстарда көзделген көлемдерден артық беруге тыйым салынады.
Тармақ 4. Форс-мажор (Қазақстан Республикасының мұнай өңдеу зауыттарындағы және/немесе Қазақстан Республикасының құбыржолы көлігіндегі тоқтау, іркіліс, авариялар) туындаған жағдайларда Қазақстан тарапының құзыретті органы ұлттық қауіпсіздікті қамтамасыз ету және ішкі нарықты қорғау мақсатында ЕАЭО туралы шарттың 29-бабына сәйкес Қазақстан Республикасының заңнамасында белгіленген тәртіппен ЕАЭО СЭҚ ТН-нің 27-тобында сыныпталатын тауарларды Қазақстан Республикасының аумағынан Армения Республикасына әкетуге уақытша шектеулер белгілеуге құқылы.