Бап 8 О ратификации Соглашения об учреждении Института глобального зеленого роста

Тармақ 1. Кеңес Институттың атқарушы органы ретінде әрекет етеді және Ассамблеяның басшылығымен Институт қызметіне басшылық жасауға жауапты болады.

Тармақ 2. Кеңес құрамына төменде көзделгендей он жетіден аспайтын мүше кіреді:

• 1) a. Ассамблея сайлаған бес демеуші мүше;
• 2) b. Ассамблея сайлаған бес қатысушы мүше;
• 3) c. Кеңес тағайындаған, Институт мақсаттарына қол жеткізуге айтарлықтай үлес қоса алатын бес сарапшы немесе мемлекеттік емес субъект;
• 4) d. Кеңесте тұрақты орынға ие қабылдаушы елдің өкілі; және
• 5) е. дауыс беру құқығынсыз Бас директор.

Тармақ 3. 2 а, b және с тармақтарында көрсетілген Кеңес мүшелері 4-тармақта көзделген жағдайларды қоспағанда, екі жыл бойы өз міндеттерін орындайды.

Тармақ 4. Ассамблея Кеңестегі мүшеліктің сабақтастығын қамтамасыз ету мақсатында 2 а, b және с тармақтарына сәйкес сайланған Кеңестің бастапқы мүшелерінің шамамен жартысы бастапқы бір жыл мерзімге сайлануын қамтамасыз етеді.

Тармақ 5. Ассамблеяның басшылығымен Кеңестің функциялары мыналарды:

• 1) a. Ассамблеяның тағайындауы үшін Бас директордың кандидатурасын ұсынуды;
• 2) b. Институт стратегиясын мақұлдауды және оның нәтижелеріне, мониторингі құрылымына және бағалауға шолуды;
• 3) c. жылдық жұмыс бағдарламасы мен бюджетті мақұлдауды;
• 4) d . аудиттен өткен қаржылық есептілікті бекітуді;
• 5) f. Институт міндеттеріне сәйкес келуге және бұдан өзге объективті өлшемшарттарға негізделуге тиіс елдік бағдарламаларды іріктеу өлшемшарттарын бекітуді;
• 6) g. Кеңестің кіші комитеттерінің мүшелерін бекітуді; және
• 7) һ. Ассамблея берген немесе осы Келісімнің басқа бөліктерінде көзделген басқа да функцияларды орындауды қамтиды.

Тармақ 6. Бас директордан басқа, Кеңестің эрбір мүшесінің бір дауысқа құқығы бар.

Тармақ 7. Кеңес консенсус негізінде шешім қабылдау үшін бар күш-жігерін салады. Егер консенсусқа қол жеткізуге бағытталған барлық күш-жігер сарқылса, ал консенсусқа қол жеткізілмесе, Төрағаның өтініші бойынша, ақырғы шара ретінде шешімдер осы Келісімде өзгеше көзделген жағдайларды қоспағанда, қатысып отырған және дауыс беруге қатысатын мүшелердің қарапайым көпшілігімен қабылданады. Бұдан басқа, шешімдерді қабылдау үшін қатысып отырған және дауыс беруге қатысатын демеуші мүшелердің көпшілігі, сондай-ақ қатысып отырған және дауыс беруге қатысатын қатысушы мүшелердің көпшілігі талап етіледі. Күмән келтірмеу үшін шешімдер Кеңестің отырыстары арасында жазбаша рәсімде қабылдануы мүмкін.

Тармақ 8. Кеңес бірінші отырысында консенсус негізінде өзінің рәсім қағидаларын қабылдайды.

Тармақ 9. Кеңес Төрағаны және Төрағаның екі орынбасарын екі жыл мерзімге сайлайды.

Тармақ 10. Төраға өз орынбасарларының қолдауымен Кеңеске төрағалық етеді және өзіне жүктелген міндеттерді орындайды.

Тармақ 11. Төраға отырыс өтіп жатқан уақытта Кеңес алдында жауап береді.

Тармақ 12. Тиімді үйлестіру және жұмыс істеу үшін Кеңес кіші комитеттер, оның ішінде, қажеттігіне қарай Жәрдемдесу жөніндегі кіші комитет, Адами ресурстар жөніндегі кіші комитет, Бағдарламалар жөніндегі кіші комитет және Аудит және қаржы жөніндегі кіші комитет құра алады. Аудит және қаржы жөніндегі кіші комитет демеуші мүшенің төрағалық етуімен жұмыс істейді.