Тармақ 1. Мемлекеттік бақылау (қадағалау) жөніндегі іс-шараларды жүргізу кезінде мемлекеттік бақылау (қадағалау) органдары Одақтың құқығын құрайтын халықаралық шарттар мен актілерге және мүше мемлекеттердің заңнамасына сәйкес қалыптастырылған және қолданыстағы мемлекеттік ақпараттық жүйелерден, тізілімдер мен тіркелімдерден мүше мемлекеттердің заңнамасына сәйкес бұрын ұсынылған немесе мүше мемлекеттердің заңнамасына сәйкес мемлекеттік бақылау (қадағалау) органдары алуы мүмкін ақпаратты заңды тұлғадан немесе дара кәсіпкерден талап етуге құқылы емес.
Тармақ 2. Мемлекеттік бақылау (қадағалау) шеңберінде зерттеулер (сынақтар) мен өлшемдердің қағидалары мен әдістері, оның ішінде халықаралық және өңірлік (мемлекетаралық) стандарттар тізбелеріне енгізілген стандарттарда немесе өзге де құжаттарда қамтылған үлгілерді іріктеу қағидалары, ал олар болмаған жағдайда - Еуразиялық экономикалық одақ шеңберіндегі Техникалық реттеу туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 9 қосымша ) 4-тармағының бесінші абзацына сәйкес Еуразиялық экономикалық комиссия (бұдан әрі - Комиссия) бекітетін одақтың тиісті техникалық регламенттерінің талаптарын қолдану мен орындау және техникалық реттеу объектілерінің сәйкестігін бағалауды жүзеге асыру үшін қажетті зерттеулер (сынақтар) мен өлшемдердің қағидалары мен әдістерін, оның ішінде үлгілерді іріктеу қағидаларын қамтитын ұлттық (мемлекеттік) стандарттар (бұдан әрі - стандарттар тізбелері) қолданылады.
Тармақ 3. Мемлекеттік бақылау (қадағалау) органдары мемлекеттік бақылау (қадағалау) жөніндегі іс-шараларды жүргізуге мүше мемлекеттердің заңнамасында белгіленген тәртіппен сарапшыларды және (немесе) сараптама ұйымдарын тартуға құқылы. Көрсетілген іс-шаралар аталған сарапшылар мен сараптама ұйымдарының дайындаушылардан, сатушылардан, орындаушылардан және сатып алушылардан (оның ішінде тұтынушылардан) тәуелсіз болуы қағидаты ескеріле отырып, жүзеге асырылады.
Тармақ 4. Жоспардан тыс тексерулерді мемлекеттік бақылау (қадағалау) органдары мынадай: