Бап 4 О контроле специфических товаров. Өзіндік ерекшелігі бар тауарларды бақылау мақсаттары мен қағидаттары

Тармақ 1. Өзіндік ерекшелігі бар тауарларды бақылау мақсаттары:

• 1) Қазақстан Республикасының ұлттық қауіпсіздігін қамтамасыз ету;
• 2) жаппай жою қаруын таратпау режимін нығайту;
• 3) халықаралық қатынастардың тұрақты және қауіпсіз жүйесін қалыптастыруға жәрдемдесу;
• 4) халықаралық қауіпсіздік пен тұрақтылықты нығайту, жаппай жою қаруы мен оны жеткізу құралдарының таралуын болғызбау болып табылады.

Тармақ 2. Өзіндік ерекшелігі бар тауарларды бақылау қағидаттары:

• 1) Қазақстан Республикасының ұлттық қауіпсіздігі мүдделерінің басымдығы;
• 2) жаппай жою қаруын және оны жеткізу құралдарын таратпау жөніндегі, сондай-ақ өзіндік ерекшелігі бар тауарларды бақылау саласындағы Қазақстан Республикасының халықаралық шарттарын сақтау;
• 3) өзіндік ерекшелігі бар тауарларды бақылауды жүзеге асырудағы саяси мүдделердің басымдығы;
• 4) Қазақстан Республикасының заңнамасына сәйкес өзіндік ерекшелігі бар тауарларды бақылау саласындағы ақпараттың ашықтығы;
• 5) терроризмді қолдауға жол бермеушілік;
• 6) өзіндік ерекшелігі бар тауарларды бақылау рәсімдері мен қағидаларының жалпыға танылған халықаралық нормалар мен практикаға сәйкестігі болып табылады.