Бап 25 О восстановлении платежеспособности и банкротстве граждан РК. Борышкердің мүлкін түгендеу

Тармақ 1. Сот төлем қабілеттілігін қалпына келтіру немесе сот арқылы банкроттық рәсімін қолдану жөнінде іс қозғау туралы ұйғарым шығарған күннен бастап он жұмыс күні ішінде қаржы басқарушысы борышкердің мүлкіне түгендеу жүргізеді.

Тармақ 2. Мүлікті түгендеу борышкердің қатысуымен жүргізіледі.

Тармақ 3. Борышкердің мүлкін түгендеу актісінде:

• 1) актінің жасалған уақыты мен орны;
• 2) акт жасаған қаржы басқарушысының тегі, аты және әкесінің аты (егер ол жеке басты куәландыратын құжатта көрсетілсе);
• 3) борышкердің тегі, аты және әкесінің аты (егер ол жеке басты куәландыратын құжатта көрсетілсе);
• 4) әрбір заттың атауы, оның ерекше белгілері;
• 5) жеке-жеке әрбір заттың және барлық мүліктің нарықтық құны көрсетіледі.
• 6) Борышкердің мүлкін түгендеу актісіне қаржы басқарушысы мен борышкер (ол уәкілеттік берген адам) қол қояды.

Тармақ 4. Сот төлем қабілеттілігін қалпына келтіру рәсімін тоқтату және сот арқылы банкроттық рәсімін қолдану туралы шешім қабылдаған жағдайда, түгендеу актісіне өзгерістер және (немесе) толықтырулар енгізілуі мүмкін.