Тармақ 1. Айрықша жағдайларда Тараптар мемлекеттерінің заңнамасында және екі Тараптың мемлекеттері қатысушысы болып табылатын халықаралық шарттарда айқындалған төтенше жағдайлар мен форс-мажорлық мән-жайларға орай жүзеге асырылатын, оны мәжбүрлі кесіп өтуге байланысты кесіп өту орындарынан (әуе және теңіз дәліздерінен) тыс жерде әуе және теңіз кемелерімен мемлекеттік шекараны кесіп өтуге жол беріледі.
Тармақ 2. Осы баптың 1-тармағында көрсетілген жағдайларда әуе кемесінің командирі (теңіз кемесінің капитаны) жақын жердегі әуежайдың әкімшілігін тез арада құлақтандыруға міндетті, ол өз Тарапы мемлекетінің шекара ведомствосына дереу хабарлайды.