Тармақ 1. Шекарадағы оқыс оқиғаларды шешуді Тараптар мемлекеттерінің шекара өкілдері (шекара комиссарлары) жүзеге асырады.
Тармақ 2. Шекарадағы оқыс оқиғаларды шешу біржақты немесе бірлесіп тергеп-тексерулерді жүргізу, ақпарат алмасу немесе олардың нәтижелерін қарау, бірлесіп шешім қабылдау, себептер мен салдарды жою, кінәлі адамдарды жауаптылыққа тарту, сондай-ақ осы Келісімге сәйкес мемлекеттік шекара режимін қалпына келтіру арқылы жүзеге асырылады.
Тармақ 3. Шекарадағы оқыс оқиғаларды шешу кезінде шекара өкілдерінің (шекара комиссарларының) сарапшыларын тартуға, сондай-ақ Тараптар мемлекеттерінің өзге де уәкілетті органдарының күштері мен құралдарын пайдалануға рұқсат етіледі.