Тармақ 1. Бір Тараптың шекара өкілдері (шекара комиссарлары) мен уәкілетті органдары әуе кемесінің шекараны заңсыз кесіп өткені туралы ақпарат алған кезде екінші Тараптың шекара өкілдері (шекара комиссарлары) мен уәкілетті органдарына шекараны бұзған әуе кемесінің ықтимал түрі, сондай-ақ шекараны бұзу уақыты, орны (географиялық координаторы), ұшу биіктігі мен бағыты (әуе жолы) туралы дереу хабарлайды.
Тармақ 2. Бір Тараптың шекара өкілдері (шекара комиссарлары) мен уәкілетті органдары әуе кемесінің шекараны заңсыз кесіп өткені туралы хабарламаны алғаннан кейін шекараны заңсыз бұзу фактісі бойынша дереу тексеру жүргізеді және (тиісінше) екінші Тараптың шекара өкілдері (шекара комиссарлары) мен уәкілетті органдарына шекараны заңсыз кесіп өту себептері туралы хабарлайды.
Тармақ 3. Тараптардың шекара өкілдері (шекара комиссарлары) мен уәкілетті органдары әуе кемесінің шекараны заңсыз кесіп өту себептерін бірлесіп тергеп-тексереді.